من غير اهانه....من غير خداع ولا خيانه....خلاص حرمت احبك
من غير اهانه....معرفتيش تبقي انسانه....وروحي اسألي قلبك
من غير اهانه وتجريح
كده اصبح الوضع مريح
فعلا قرارك كان صحيح
وكويس انك اخترتي
من غير اهانه واي ذم
مكنش عندك نقطة دم
مبقاش وجودك شئ مهم
مانتي عليا اتشطرتي
من غير اهانه....يا خاينه مش صاينه الامانه....الامانه اللي هي قلبي
من غير اهانه....كنتي في الخداع فنانه....تغلطي وتقولي الذنب ذنبي
والله لو لفيتي الكون
مش هتلاقي زيي عيون
تحب فيكي وقلب يصون
ويمسح دمعة عيونك
والله لو حبيتي مين
لو دورتي سنين وسنين
مش هتلاقي شوق وحنين
ولا هتلاقي حد يصونك
انتي ناسيه كنتي ايه....ورده مفيش أمل تعيش
شوفي عملت فيكي ايه....ايوه عملتك من مفيش
في ناس لما تكبر تتكبر....وتنسى ماضيها وتهرب منه
وناس تتمكن تقوى اكتر....واللي ساعدها تبعد عنه
انا الحبيب والمثل الاعلى....على مر ايامك وسنينك
هفضل برضه انا تمني اغلى....هتحسي بقيمتي لما اسيبك